بە پێی راپۆرتی ئاژانسی هەواڵی مێهر بە گوێرەی ئیسپۆتنیک، وەزارەتی بەرگری رووسیا بڵاوکراوەیەکی لە سەر ئۆپەراسیۆنی سەربازی ئۆکراین دەرکرد. ئەم وەزارەتخانە ڕایگەیاندووە: هێزەکانی ئێمە لە کاتی دەستپێکی ئۆپەراسیۆنی تایبەتی سەربازی لە ئۆکراین ١٥٠٢ ژێرخانی سەربازی ئۆکراینیان رووخاند.
بە پێی ئەم راپۆرتە، وەزارەتی بەرگری رووسیا هەروەها لەم بڵاوکراوەدا ڕایگەیاندووە: شەڕکەرە رووسییەکان ٦٧ ئامانجی خۆیان لە ئۆکراین پێکا و ١٥٠٢ ژێرخانی سەربازی لەم وڵاتەیان رووخاند.
هەروەها رایانگەیاندووە: هێزە رووسییەکان لەم ماوەیەدا توانیان ٤٧٢ تانک و ئۆتۆمبێلی سەربازی ئۆکراین بڕووخێنن. هەروەها ٢٠٦ یەکەی تۆپخانەی ئۆکراین لە کار کەوت و ٤٦ فڕۆکەی بێ فڕۆکەوانی ئەرتەشیش لە ناوچوو.
Your Comment